يوسف واخوته والذئب
مابين الدمع والصوت واثكل من حزن يعكوب
حزن الكاع يا يوسف حزن منكوب
ومابين الحيا والموت واكثر من صبر ايوب
وصبر الكاع يا يوسف صبر مسلوب
ومابين السهر والعين واحجارة بجفن محبوب
سهر الكاع يا يوسف سهر متعوب
ومابين الستر والعا والمضلوم ضل ايلوب
ستر الكاع يا يوسف لكل عريان يرهم ثوب
مرت زخة الحالوب انضر نضرة اعيونك تفك مصلوب
اصبر لا ترد اردود وانت اعبرت ذاك الصوب
ولو كلبك يون بسكوت وما تسمع ونينة اكلوب
ولو جرحك نزف شريان من باب الكلب مصيوب
ولو دارت عليك الكاب وحدك وحدك والمناية اتلوب
عراقي انتة انخلقت من البشر مهيوب
عليك النصر ندري امكدر ومكتوب
ولو ابن ادم ابوجهك يسد الباب ربك ما يسد البوب
كلمن لجل يوسف ناح كلمن لجل يوسف طاح تطيح اشما عليه اذنوب
صدك يوسف مات وفرحو اخوتة بموتة
صدك يوسف مات عجل جا وين تابوتة
واذا يوسف كمر تتصورة النسوان حتما بلعتة الحوتة
لا يوسف كلاه الذيب وازرار القميص امكطعة ابتوتة
اي يوسف كلاه الذيب لان كلش حلو واعيونة ياقوتة
لا يوسف مشة وية الريح وضاع منعوتة
لا يوسف وكع بالبير وصاح ابصوت بس محد سمع صوتة
لا يوسف وكع بالبير وصاح ابصوت بس محد سمع صوتة00 هل يامعودين شلون يوسفكم تبيعونة
وانتو الي على الكلفات تنخونة 000 وكبل جمر البنادق تجدح اعيونة
يوسف مابرد فد يوم كدرة ونكص ما عونة
اخوتة انتم وصلتو علية ابساحة اليمدان وية اعداه تولونة
انتوالكل قصدكم عود من دارة تسلبونة
اتخسون وصوتكم مبحوح وصوتة الوصل لعنان السمة وكلكم تسمعونة
يوسف راد يطلع حق اخوتة الضاع وحقوق اهواي مغبونة
يوسف كال لا للضلم والعدوان ولا ذلة وراهة اخبيزة مدهونة
وصارت عاصفة واختلطت الالوان وصارت عاصفة واختلطت الالوان وضل يوسف ابحسنة وهيبتة ولونة
ودورتو علية بالناس كل الناس اكلكم لا اتدورونة يوسف بالضمير ايعيش وبعيون المقاوم بالعراق اليوم تلكونة
اذا كان خبر يوسف مهم عندك ورايد تفتح تعرف اسرارة
اذا كان خبر يوسف مهم عندك ورايد تعرف اسرارة افتح موجة المذياع واسمع نشرة اخبارة وعلي الصوت كلش حيل
لا لا تخاف لا تحتار وكالات النباء وياك محتارة
اذاعة صوت امريكا مراسلهة البرياض ايكول00 يوسف على جسر الجمهورية واكف جان وفوك الجسر قصفت الف طيارة
اذاعة لندن مراسلهة البيروت صرح كال يوسف على جسر المعلق جان وساعتهة اجت غارات غارة من بعد غارة
اذاعة لندن مراسلهة البيروت صرح كال يوسف على جسر المعلق جان وساعتهة اجت غارات غارة من بعد غارة
اذاعة مونتكارلو اتكول00يوسف ابملجا العامرية هناك كاعد حاضن اصغارة
ولحظتهة اجة الصاروخ مسرح يلهب ابنارة
الاذاعات ووكالات الانباء اتصيح يوسف خالية دارة
الاذاعات ووكالات الانباء اتصيح0 هدمنة الجسور جسور يوسف سدت انهارة
قطعنة الكهرباء والماي عنة وذبلن ازهارة
هدمنة الجسور اجسور يوسف سدت انهارة
قطعنة الكهرباء والماي عنة وذبلن ازهارة
الاذاعات وكالات الانباء اتصيح يوسف مات هوة وشعبة واشجارة
لا لاتسمع حجي ولا تصدك اليحجون0 الاذاعات وكالات الانباء الكلهم يجذبون
حول موجة المذياع واسمع صوت اليصدكون هنا بغدادهنا بغداد يا بغداد يل كلبك تلكة اسيوف هولاكو وضحك عالموت
يا بغداد يالدمعج حبر تاريخ يركص عالشفايف صوت كالو جفنو دجلة وسجلناج بالتابوت
حد الموت وانتي وية الشعب ثورات حد الكبر وانتي ابجف اهلنة ازمور رشاشات من ضيهن نكحل الليل
وانزوك ضوة النجمات وابفيج يلوذ الماحونة اقصورالولايات يا بغداد
هنا بغداد مراسله الاباربيل و مراسلهة البالعمارة
يوسف ما غادر كرخ بغداد رايح عايف اديارة
يوسف راح للكاظم تعنة يشوف زوارة
يوسف ما غادر كرخ بغداد رايح عايف اديارة
يوسف جان بالمنصور يتمشة واجت زارتة الكيارة
يوسف ما غادر كرخ بغداد رايح عايف اديارة
يوسف عبربالمشحوف نص الليل يم اهل الرصافة هناك سمارة
الاذاعات ووكالات الانباء انباعت ابدولار وكلمن اخذ دولارة
لا الضماير والاقلام انباعت ابدولار وحدر انعال يوسف صارت احجارة
طلع يوسف يغطي الكون اسمة وما تعب فد يوم مشوارة
وطن يوسف0 وطن يوسف يلم الناس وكلهة اتلوذ بكتارة
وعليش استهدفو يوسف 0 لان يوسف يجيب الخبز بيدة ويطعم الجوعان
وعليش استهدفو يوسف0 لان يوسف ينزع ثوب جسمة ويستر العريان
وعليش استهدفو يوسف 0لان يوسف زلال الماي من ينزل على العطشان نطيح اصفوف كدامك
لون هبت عليك الريح وانشم ريحة العدوان بس انت تضل بالملعب الاعوب وكلمن لاعبك منك طلع خسران
كلنة وياك يا يوسف ضد الكفر كلنة بجبهة الايمان
كلنة وياك يا يوسف نشد احزام للبنيان والعمران
عبرنة وما نرد اردود وخل تزعل اوربة وكل الامريكان يا بغداد
