رسالة من العراق إلى كل العراقين
أحــس روحي غريـبـة هنا من يـوم إلتركتــوني ...
تانيـــت سنيــــن ودهـــر حتى ترجعــولي
ثاري العمر كله إنكضـه وإنتم هجــرتـوني ...
لميــت جــروح القـلب ونشفـــت دمــوعــــي
وبثـوب الحزن غنيــت يا لرحــتوا سمعـوني ...
بغــداد ذكروني إبوكت وكلمة إكتبـوني
الوطن مفقود
مريت وكت العصر ... متعني يم حمود
خدرلي جاي وبجه ...وسولف سوالف سود
كال انته من ياسلف ... كتله ابفرات الجود
دورته بالخارطة لن الوطن مفقود
ومريت للمدرسة اتامل الطلاب
شو شفت طالب بجه وحط بين اديه كتاب
بيه خارطة للوطن وعيونه كله عتاب
كتله ابني كافي البجي بالصف تره ممنوع
يابويه بعدك طفل وتبجي بكلب مفجوع
كال انه بالخارطه الكيت الوطن مبيوع
ممنوع الفرح
متواعد ويه الفرح
والوعد صارله سنين
لا مر علي بحلم
ولا شفته شوف عين
ناشدت وين الفرح؟
كالولي متأسفين
ممنوع هسه الفرح ... عن كل العراقيين
وطن بالايجـــار
حمودي أبني كبر
بصف الأول صار
شنطوه أول درس ؟
أنطوه دور ودار
ردني وسألني الطفل
شتعني بابا الدار ؟
كتلة الدار يعني الوطن
والدور يعني الجار
كَالّي غرفتنا بابا وطن ؟
كَتله أي بابا
غرفتنا وطن .. وطن
بس وطن
بالأيجــــــار
إعلان هام
فقد وطن أخضر اللون يدعى وادي الرافدين
يرتدي مليون نخله وأهوار بحجم معاناته
عمره آلاف السنين
يتجول في أزقته الموت
كان ملاذاً للخائفين وأصبح خوفا للآمنين
تزين أرصفته دماء الأطفال الأبرياء
الذاهبين إلى المدارس
ليتعلموا كيف تكتب كلمه وطن
فعلى من يعثر عليه أن يصلي من اجله
ويضمد جراحه اللهم احفظه وأهله الطيبين (آمين) ...
دعوة الى العراقيين
ندعي سوه و احنه بهل الشدة ... ربي كل باب حزن مفتوح رده ...
و كل تدفق دم يا ربي سده ... و كافي ياموت سيفك كاعد اتحده ....
مو صبرنا بصبر ايوب و جده ... و صبرنه سنين تره وصل حده ...
مد يا فرح شوي فراشك مده
.شو امكطع خيوطك وجم عكدة و عكدة ...
آخ شكد جثث بعد تحملين يا سده ...
و شكد يا فرات شوكك لدجله ...
حزني جبير و ما واصل حزن كده ...
واذا في يوم الدمع نكر خده ... واذا في يوم البحر نكر مده ...
و اذا في يوم الشتا نكر برده
و الصيف صار الثلج عنده ... ما انسى العراق و لا انسى شمته ...
يكلولي بس الموت هذا العراق عنده ...
اموت بحضن العراق تره ماكو وطن بعده ...
لا والله ماكو وطن بعده......
لا والله ماكو وطن بعده......
سنة وشيعة
عموري ابني طلع مارد اله يومين
سالت كل البشر عموري ابني وين
كلمن يجاوب شكل زين الجواب وشين
واحد يكلي اخطفه فيلق غراب البين
واحد يكلي قتله مقتدى وجيشه الشين
واحد يكول معتقل يطلع بعد سنتين
واحد حجالي عمر اعرف طريقه منين
وداني للمشرحه وكالي دور على ابنك هين
ولكيت 100 عمر ولكيت 100 حسين
ولكيت كل الوطن يلطم على الخدين
مادام نبجي سوى منهو الكتل الاثنين
مادام نبجي سوى منهو الكتل الاثنين
يا محلى بغداد
[size=12][size=16]احلى شي اببغداد لمن يصير غروب..[/size]
فوق الجسر تمشي انته والمحبوب...
ودجله تحظنك حضن وتحس العمر مافات...
وشكد حلوه لمت هلك وياهم تتعشى بالكريعات...
ولو تجي وتفتر بعد وتدخل على المنصور...
طيبة وحنان وعشق واحلى طيور ...
والعيد عدنه حلو الله ياعيدي...
يلله...خلي نقارن سوه !!
وايدك تضل بيدي .!.!
ايفل وبرجه..ومكه مول واهله..
ومول الامارات وابن بطوطه ...
واهل لندن وكل تكساس...
يرحون فدوه ونذر لشارع ابو نؤاس
[/size] تحيـــــــــــــــــــــــــــــــــــــــــــــــــــــــــــــــــــــــــــــــــــــاتــــــــــــــــــــــــــــــــــــي
علـــــــــــــــــــــــــــــــــــي الســـــــــــــــــــــامرائـــــــــــــــــــــــــــــــــــــــــــــــــــــي
[/size][/right]
مشكووووووووووووووور الله يا عراااااااااااااااااااااااااااق 
