ايمن العبيدي المراقب العام للمنتديات
عدد الرسائل : 449 hguvhr : 0 تاريخ التسجيل : 03/12/2007
| موضوع: دارمي ........... السبت مارس 01, 2008 12:05 pm | |
| هاك استكانة جاي أشرب عوافــي أو دزيته لك مخصوص يامايه صافي | رش الدرب تيــزاب حافي أعتـني لـك جا شـلي بالرجليـن الما تجي لــــك
| لو ترش مو تيــزاب لو تزرع ألغــام اللحم خلـه إيروح أوصلـــك إعظـام
| كل ما يجي الليل أذكر وفــــاكم واذكر محاشي الطيب وابجي أبرهاكم | ويا النجم سهران وايدي أعلى خــدي الليل أوظلام الليل شو كلها ضـــدي
| وحدي ابنص الليل بس حيرتي أوياي أبجي أعلى وقت الراح واتنطر الجاي
| إشما تقول الناس عندي أنته لول سو كلشي بالدلال يالحلو مخـول
| يالتون تالي الليل سمعني حسك لولا القلت والقال لعبر وونسك | شحجي وتريد الناس من عندي أحجـي دمعتي إبطرف العين بس أحجي أبجـي
| للخوه ماقضيت شي ماقضيته حتى الصخر ياناس وتوسديته | انت العطش والماي وانت المشوفـه ورسمش وحق عيناش بالكاس اشوفه
| أرد انشدك وارجوك صارحني ياهواي تذكرني لوغصيت من تشرب المــاي
| نارك يخايب ماي مومثل نـــاري اومن يطري بيا الشوق يحترق جاري
| هم حلو .. وهم إزغيــر .. هم أزرك عيون بس بيه طبع مو زين من يوعد إيخــــون
| بالك تقول الاه ياخويا بـــالك كل التقوله ايصير روحي ابدالك
| مبخوت أضل للشيب يافلان أذكـرك أوينكرني نور العين من كون أنكرك
| سبحانه من سـواك نص وجهك إعيــون إزغيــر سبيــت الناس من تكبر شلون
| بيدي أوقرضها الفار فجت عباتي كل هذا ماطخيت وامشي ابرهاتي
| أتمنى كون أيصير لحدي أويا لحدك أو من يطلع الدفان أقعد وقعـــدك
| بيدك ضيعت ديك الليـــالي وبلحظه ما أجى أبعينك دلالي
| شقيت ثوبي أعليك وصلته للنــص جاوين قلبك أوياي صاير مثل جص |
لاتهتم على الراح وي همك الراح والعالي مو بالطول بالصبر ينلاح
| اشمالك يبعد الروح لونك تغــير عندي خوات أهواي طب أوتخير
| يسألني البطران حالك إشلونــه الغاضب الله إعليه هم ينشدوونـه
| جاشلي بالخوان والماينفعـــــون عود أمن اموت أيجون ويا اليشيعون
| عبالي طيب زاد واعطيتك اعيون تالي توج النار ويا اليكرهـــون
| هاك أبره , هاك الخيط خويـه أرد أكلفـك أمسرد الدلال شــله إعلى عـرفــــك
| هـاك أبرتك. .و الخيـط خويــه إمش عنــي لو بـيـــه أشل إجروح .. جان أشل ذنــي
| علمني عالنسيان ارد انسى ضيمـــــك وي غيري قمره اتصير بس حصتي ضيمك
| سبحان امن خلاك تقسي ابغرامك جانك اتداوي اجروح رقت كلامك
| اوقف يبعد الروح اوياك الحســـاب سَافر أو جرحي اينوح ليهسى ماطاب
| هامسى أوها مصباح باجر يشيلـون اورجليا شالت طيب من دمع العيون
| الدنيا بس وياي شـدت عـــداوه ولا واحد إمن الناس لجروحي داوه
| ارد انشد الصباغ هم يصبغ اقــلوب اصبغ دليلي اعليك واحزن فرد نوب
| حـط باللبن تيــزاب مجبـور أشربـه بس لا أشوفك يوم تمشي وي غربـــه
| سباحه لك بالروح خضرى أوطريه تسقيها من تشتاق وتمر علــــيه
| ياماخذين الولف اوليفي وريد أويـاه مانام لليل الشتى أومقدر على فرقاه
| الدنيا ماتسواش لاتصفن إلهـا عالطيب والمزيون يكثر حملها
| يسألني البطران ليش وجهك اصفر مايدري على المحبوب قلبي تفطر
| يسألني البطران ليش راسك اقرع مايدري على الحلوين شعري تشلع
| يسألني البطران تشرب عرق ليش هم سقم هم فراق هم لوعة الجيش
| يسألني البطران اعربلي كان حسباله مثل العام عقلي بمكانة |
| |
|
ايمن العبيدي المراقب العام للمنتديات
عدد الرسائل : 449 hguvhr : 0 تاريخ التسجيل : 03/12/2007
| موضوع: رد: دارمي ........... السبت مارس 01, 2008 12:09 pm | |
| هااااااااااااا شباب شنو رأيكم بالدارمي؟؟؟؟؟؟؟ | |
|
مصطفى البغدادي مشرف قسم النكت والتحشيش
عدد الرسائل : 167 العمر : 40 تاريخ التسجيل : 12/01/2008
| موضوع: رد: دارمي ........... الأحد مارس 02, 2008 12:09 am | |
| الله الله الله تسلم يمناك أيمن على هذا الدارمي الحلو مشكور وننتظر منك المزيد | |
|
محمود
عدد الرسائل : 9 تاريخ التسجيل : 01/03/2008
| موضوع: رد: دارمي ........... الأحد مارس 02, 2008 7:03 am | |
| ايد اعله وجه الكاع وايد بدليلي ومن مرو الشمات كمت اعلى حيلي | |
|
محمود
عدد الرسائل : 9 تاريخ التسجيل : 01/03/2008
| موضوع: رد: دارمي ........... الأحد مارس 02, 2008 7:05 am | |
| اموت في الدارميات ورحم الله والديكم وننتظر منكم بعد | |
|
حسان الانباري المدير العام للمنتدى
عدد الرسائل : 654 hguvhr : 0 تاريخ التسجيل : 02/12/2007
| موضوع: رد: دارمي ........... الأحد مارس 02, 2008 7:59 am | |
| الدنيا للتهواه تركص مفرعه والماتريده بنوح لوخلص دمعه مشكوووووووور اخي على الدارميات الجميله وننتضر منك المزيد | |
|