يظل شمع المنتخب يضوي وبيه نور
يزهي الملعب بنوره وبيه نور
چذب يخسر منتخبنا وبيه نور
بتك ايده يصد لو هجموا عليه ميه
============
تشوفه من يفوز يضحك وباسم
وعگرب من يضوج يصير بيه سم
كارلوس العراق لقبوه باسم
وسكت كارلوس بضرباته القوية
===========
گلي يا منتخب فازو علينه
واحنه عالفرق كلهه علينه
شوف شسوه بالخصم علينه
شعلل نارنه وخلاهه سريه
===========
نشأت لو لعب بالساحة يعزف
يفيك عالفريق ومغمض يكف
طول وحسن وباللعب يعرف
ولو بيدي انطيه كرسي الرئاسة
===============
صالح لو نزل منه الملعب يخاف
لاعب مهاري وكامل الأوصاف
تشوفه يدافع وتشوفه هداف
وإذا تخسره تصير اكبر انتكاسه
=================
مهدي لو طب عالمدافع
يدوخ الخصم ويصير شارع
منو يلحگه لو ذبه رابع
وابد ماكو مثل لعبه وحماسه
====================
قصص عن لعبنه للعالم قصينه
وقصاص عل اللعب ألنه قصينه
غزال لو ركض بالساحه قصينه
وصاروخ ضربته كلش قويه
=====================
حلو يراوغ كرار وحلو لعبه
دوخ خصمه بفيكاته ولعبه
ويه الريال لو تصير لعبه
حتى اسبانيا أدوخ بهالبليه
=================
انشگ الگول من ضرباتك وهور
موحد بفوزه كردستان واهوار
طوبه ومن تصير برجل هوار
يحطهه بلشبچ ميه بالميه
===========================
يخبل لعبه من يلعب ويونس أبو ذنون منو مثلك يسفاح
السفاح من يلحگ بيه يونس لقبوك الماكنه ولقبوك ذباح
بهجمه لو هجم علگول يونس تخاف الحراس منك چنك شايل سلاح
يخلي الگولچي يتمنه المنيه ومنو مثلك جاب الكاس راسه
===============================
أبو الغيره منتخبنه وعالي راسه
فاز على الفرق كلها وجاب كاسه
سوه الماسوته رجال السياسه
وحد بين الشيعه والسنه
وخله بعز السما يرفرف علمنه
صفه گلوبه وفرح شعبنه
وبفوزه سنين ظلت فرحانه ناسه
واليضحي من علي ايشربه الزلال -- وفاطمه ابسجل الشفاعه اتسجله
===========================================
السلام عليك يا ارض العراق ........وين ما تسجد صلاتك حاضره
يا عراق البيك ابو الحمله علي .......وبيك ابو السجاد ابن الطاهره
وبيك باب الحاجه موسى والجواد ......وعدك الهادي التقيٌ المفخره
العسكري بسامره تاج على الرؤوس .......الهادي المهدي بارضك مصدره
شلون اوصفك وانته فوك الوصف فوك.....انته قدسي وانته كالدر منظره
=============================
--------------------------------------------------------------------------------
ياعراق النور يل مالك مثيل ****** مثلك ابدا مامش ابكل الوجود
يللي ماظل مرسل اوما مرعليك*** ياأرض كل دين ياأرض السجود
يل شهود اللي ابسبحتك انبياء ***** والخرز ملظوم ذولاك الأسود
إنت أوتادك أهل بيت الرسول ***** ونت حيدر لازمك صاير عمود
بيك ابن خير البشر خير الأنام ***** بيك الحسين إبدما لسًا يجود
==================================================
حسين العراقي يحييكم