ايمن البصراوي
مشرف منتدى الكمبيوتر والانترنيت
 عدد الرسائل : 170
العمر : 37
تاريخ التسجيل : 23/01/2008
 | | موضوع: دارميات 2 الثلاثاء فبراير 19, 2008 2:33 pm | |
| مساء الخير يلي من العسل اصفه ... لوبيدي علاج الناس اخلي شوفتك وصفه
اكتب جوابي عليك معروفه الاسباب ... لو صرنه متحدين جرح الوطن طاب
سن الضحك وياك لازم اشلعه-كلبي الرف عليك من صدري اطلعة
ما ظل فلس بالجيب واتصل بيكم....ولا فرس يم الباب واركب وجيكم
وين البخت يفلان وتكلي مبخوت ... لو اشتغل دفان هم محد يموت
زين البخت وياك واصل لهلحد ... احفر كبر للمات كالو عدل رد
القلب قال أحاه ! قتله وجعــــــــــتين
منهو الاجى أوعزاك من طقك البين
يالردت عني اتروح خليلي صبرين
واحد يصبر الروح والثاني للعـــين
شامت وكًًف عل الباب حاير شـــــكًًـلـه
أرتجي إعله المكســــور لو دمعي إهله
إرتجي إعله المكسـور حيل إردس الكًًاع
بالك تذل جدام شماتك إبســــــــــــــــــاع
اقعد ابتالي الليل وادعي ابصلاتي
ياربي بعد افلان شلي ابحيــــــاتي
حظـي وكـع بالبيـر كالولي جيـت.....جيتت بس بعديــش طلعــته ميــت
ضايجة انتي اشبيج راح امشي عنج .....والله منحط مكياج انه احلا منج
طيب واظل وياك مخلص للوداع ....هم انته مثلي اتصير لو تنكر بساع
يا سالي هاج الروح خليها يمج.....اي والله والعباس ما الكه منج
عيد اليمر على الناس ماحسبه انا عيد .....عاشور احسبه يصير من كونك بعيد
من كلبي يطلع شيب موش بلحيتي....شماتي موش اجناب من اهل بيتي
متعني تالي الليل اشكي البلاؤي
شامه على خدك هاي لو كمر ضاوي
الكمر يضوي بالليل والصبح غايب
بس شامتك يفلان من العجايب
فرفوري خد اهواي والشامه كهرب
والزلف حارس ليل وعيونه اصعب
زلفه سواد الليل والشامه نجمه
وعيونه الريم والشفه نعمه
هم همي هم الناس هم الله فوكه ........تركض وراي الناس جن عندي بوكه
تكدر تروف جروح گلبي وتشله...مانفع بيه اخياط من فگد خله
لجرحك تريد اخياط تنشدني انه...گلبي خاص لچمات ضل بس مچانه
تيزاب احس بالماي جيه انت غايب
ومن فاركيتك يوم شفتالمصايب
من الزغر حبيت وشفت العجايب
عيد وبدر وهلال بملكة الحبايب
لو تدري روحي شلون عكبك حزنه ....مثل التشيط كبال تابوت ابنهه
عدل سابقا من قبل ايمن البصراوي في الثلاثاء فبراير 19, 2008 2:37 pm عدل 1 مرات | |
|
ايمن العبيدي
المراقب العام للمنتديات
عدد الرسائل : 449
hguvhr : 0
تاريخ التسجيل : 03/12/2007
| | موضوع: رد: دارميات 2 الأربعاء فبراير 20, 2008 12:16 pm | |
| مشكوووووووووووور وانشاءالله دوم للامام
اخوك
ايمن العبيـــــــــــــــدي | |
|
ابن حديثه
مشرف قسم القصص والروايات
عدد الرسائل : 554
العمر : 36
تاريخ التسجيل : 12/01/2008
| | موضوع: رد: دارميات 2 الإثنين مارس 10, 2008 2:39 am | |
| عاشت ايدك على هاي الابيات مشكوووووووووووووووورررررررررر اخوي | |
|
سناريا
مشرفه قسم الشعر الشعبي
عدد الرسائل : 16
تاريخ التسجيل : 13/04/2008
| | موضوع: شكرا الثلاثاء أبريل 15, 2008 3:02 pm | |
| عاشت ايدك و ننتضر مزيدك تقبل مروري
سناريا | |
|
شمس العراق
مشرفه قسم المغتربين العراقيين
 عدد الرسائل : 241
تاريخ التسجيل : 26/01/2008
| |
مشكووووووووووووووووووووووووور جميله وننتضر جديدك
