اثوابك من ثلج ياطائفي اتموع

(((اثوابك من ثلج ياطائفي اتموع)))

بجينه او نزلت اعله اوراقنه ادموع

او كتبت بالحزن هاي القصيده

مابين الالم والعوز والجوع

الف هنياله كلمن يحفظ ايده

ابوجه شارعنه شفنه الموت مطبوع

وانياب الرصاص احفرت جيده

او صاروخ ابمجان الورد مزروع

اشكثر يكتل بشر هاي التفيده

ابصوانينه بعد ما ضلت اشموع

ولا فرحة طفل مصباح عيده

عدنه امن القتل انواع مو نوع

وانت اختار يانوع التريده

قتل تفجير جثه أو راس مكطوع

مامش غيرهه ابحلك الجريده

اللبلبل عاف عشه ابين الفروع

يخاف القاذفه تخطه او تصيده

نسينه احنه الخميس او علم مرفوع

او نسينه اطفالنه الحفضت نشيده

(عش هكذا في علو)صفت ممنوع

او غدت جلماتهه كلش بعيده

شنو ذنب الطفل مو بعده راضوع

بين احضان امه ايصب وريده

ابصدرنه المحترك ما ضلت اضلوع

حمت واثرت باطرافه الحديده

اثوابك من ثلج ياطائفي اتموع

او عدنه اثواب ما تعتك جديده

مالح بعده للخطار عشنه

ولو بين الالم والعوز عشنه

يظل بس للبلابل ملك عشنه

اوحرام البوم يكعد حدر فيه

مشكو ر على هل الابيات الجميله وننتضر منك المزيد

مشكووووووووووووووووووووووووووووررررررر

شكرا ايمن على هذه المشاركة الجميلة تقبل مروري
سناريا

نشد عن الوكت جاير .... بلي جار
وعن حبل الحزن جرك .... بلي جار
عراقي وبالعراق اسكن .... بالايجار
وفلا ابيع الوطن حد المنيـــــه
*************
شلع كلبي بلادي ..... من هويته
وخنكني ابضيم واشتم .. من هويته
العراقي الصح تعرفــــــه ... من هويته
صوره ومنختم غيره وحميـــــه


مشكور ياوردة على هذا الشعر الحلو تحياتي عمار