تأهـلـت لـلـدور النهـائـي يـابــو مـنـصـور
وبــاقــي مـبـراتـيـن وتـخـلــص الـــــدورة
وانــا كــل مايطـلـع بـهـا لاعــب مشـهـور
احـول علـى خـط الوسـط واقـطـع الـكـورة
اذا الشعـر بحـر وكـل شاعـر ولـه منظـور
انــا كــل ماغـنـيـت زانـــت لـــي بـحــوره
ولانـي بعـد بيـوت شعـري علـى الجمهـور
اليـاصـار ماتطـلـع مطالـيـع أخـــو نـــورة
ولا اطيـر لامـن طـار عنـد العـرب مطيـور
عـلـى شــان تطـلـع لــه ثلاثـيـن مطـيـورة
يكفينـي انـي مــن حـوالـي ثــلاث شـهـور
مغير اركض ورجلي على الركض مجبورة
مـــع حـــرة كيعـانـهـا مـاتـنـوش الــــزور
عـلـى ظهـرهـا مـاغـيـر بـنــدق وبـاكــورة
من الليل تركض اليـن يطلـع عليهـا النـور
تبي ديرة ماهي عليهـا الوصـف مصبـورة
