ياتكريت..
انت موتدرين ماغير ابو عداي حبيت
وعلى سيد الزلم من الكلب ونيت
وبتابوت النعش وزن الجبل وديت
ولصوت العزيز البمحكمة..حنيت
كل ساعة المضت..
والله سنة وعديت
على فراك البطل من القهر سليت..
ياتكريت..
موكبره بشغاف الكلب خليت
وحضرت الورد..
وبخور العرس حطيت
ومن هدّاب العين
- ولزين الزلم -
للجفن نسجيت
*******
واتمنيت يا تكريت
بسواد العين اغسله..
وبالدمع ياريت..
انا الربيت..
وانا اللوليت..
وانا الحاميت..
وتاليها يغافلني الوكت..
وينام البطل بتراب تكريت
****
ارد اسولف قصتي لكل العباد
وارد اكلهم..
كان يحكمني رجل زين الولاد
وانا بين الولايات كلها..
اسمي ياعز البلاد
وكان عاشكني حبيبي
ما عشك مثله حبيب
وكنت من يوجعني كلبي اشفى..
لان صدام الطبيب
وكان مهيوب الجناب
والكواكب فوك اكتاف المهيب
وكان كافل كل يتيم
وكان حامي كل غريب
وكنت مرفوعة الهام
والعراق اليوم يسمى السليب
ماعرفنا العيد بعده بس ماّسي..
والفرح صاير كريب
****
ليش ياتكريت..هيجي
القساوة غزت كلبج من حرمتيني اضم عز الرجال
ما شبعتي..؟؟؟
من ثلاثة..مصطفى المزيون عنوان القتال
لو قصي..!!
الماتعادل وزنه اثقال الجبال
لو عدي!!
يابو طول الفارع المفتون ياطيب المنال
ما كفاكي فخر..
يامبروكة يامهد الرجال
****
لازم أترجعينه عندي..
حتى اضمه
..بنص حنايا الروح
وعلى عز الزلم ابجي ولا ابطل النوح
وعلى كبره لشيد النصب واصروح
*****
مو لطم نلطم فقط..
بالدماء الحزن يجري
للعميل..وللمخادع
يظل يلحكه العار
.. كلمن نادم
بس كاعي تنظف وانتصر..
يشهد علي العالم
وعدا عليّ ادفنه يم جده موسى الكاظم
:bounce: