ثبت جموعك سرجت الخيل لقاحه
تنكس دروبك قبل يافلان تاصلني
كانك عليل(ن) معي لك طب جراحه
نشفي جروحك بقافي بس امرني!
ياصاحبي لاتبعت القوم بمراحه
تارد حياضن مع الالباب تاردني
والبيرق اللي مع العربان نطاحه
جابوا جوابك وانا مابيك تسئلني
لاني سحابه بسماك ان شف وضاحه
تجهر عيونك ولكن لانشد عني
قله علومي مع العربان فضاحه
ومعها جوابن يسرك بس جاوبني
ابنشدك عن قناة اسمها الساحه ؟
تعرف تردد قمرها بس تجهلني
وش المسافه مابين (طريف) و(الباحه)
ان ماقطعته اجل ما انت بشايفني
والطير والله اذا مارفرف جناحه
ضنك يخيب ومعاه يخيب انا ضني
جتك القوافي وخذها بطعم تفاحه
وان ماكليت تعال ارجوك وكلني
طعمه يعجبك بكون زلال وقراحه
من زين هرجك بتال الليل سامرني
واحذرك لامن سمعت القوم نواحه
بالك تطب الحريق بقصد تسعرني
هديت طيرك وضاع الطير ملواحه
وابشر بطير(ن) بداله بس طيرني
والاوضح اللي مع الشعبان مرواحه
ابستشيرك عقب ما انت تشاورني
وش هقوتك في عزوم(ن) فيه دواحه؟
باطمربها صنعت النيسان واحذرني
(والدين نعرف كتاب الدين والواحه)
(وماهو ضروري اخاوي عايض القرني)
هيهات تصلح عديم صعب اصلاحه
وماباقي الا وانا (ساجد) تصؤرني
ياصاحبي لايغرك شاطي الراحه
الظاهر انك جديد وجيت تسهرني
لاجاك قافي بهجاج الخيل وصياحه
قلبك يوقف .. ويخزا العين تؤبرني
نتيجتك بعد فحصي نعلن انجاحه
وان كنت راسب فانا ارجوك تعذرني