محاورة شعرية بين Couple في قسم هندسة المكائن والمعدات

الولد :
حبي إلچ ياهواي مديته Vector
وحاولت أضربه Cross بس قلبي طنگر
البنية :
حبي ألك يا هواي تعجيله ثابت
ودفترك بالدلال خليته نابت
الولد :
برنولي هذا عليچ وإحچي بصراحة
فكرتي بية بيوم بالإستراحة

البنية :
سنگر آنه احلف بيه وما أچذب عليك
حبك ضروري وصار چن دهن البريك

الولد :
شوفيلي Top - View وأخذيلي مقطع
وشيليلي شعر الراس وخليني أگرع
البنية :
شگطع ششوفن بيك شتريد أدور
كلك براغي وزيت وين التطور

الولد :
كل التطور بيچ كلچ جديدة
وحبچ لحمته بغاز مثل الحديدة
البنية :
إن چانك أنت بغاز ثبته حبي
ضبيته بإسپانات حبك ياگلبي

الولد :
طن گلبي شال هموم وطن من الاحزان
وصاير عليه إجهاد مايحمله أنسان
البنية :
گلبي آنه بيه إجهاد مامر على احد
ضغط وقوى وهم Shear وفوگاهه هم شد

الولد :
كاملت حبچ ضاع حد التكامل
والـ C طلع مليون كيف التعامل
البنية :
كامل بعد مرتين واشتقه مرة
والناتج اللي يكون يكفينه شره

الولد :
Pump الگلب تدرين ويضخ محبة
وأصغر تدفق بيه كل لحظة دبة
البنية :
متعجب أنت بهاي گلبك يضخ حب
گلبي آنه فاض بشوگ بيه يغرگ الدب

الولد :
رحت آنه للدكتور گلي إمشي فيتر
ضغطك طلع ينقاس بالمانوميتر
البنية :
هاك أخذ گلبي وشوف هم شكثر بيه
ولو توزنه بگبان مااظنه يكفيه

الولد :
بحبچ صفه الدلال يبعث حرارة
وحرت آنه يا إجراء يطفيلي ناره
البنية :
حرت أنت بالإجراء آنه شأسوي
ضغطي صعد للـ bar وصرت آنه أچوي

الولد :
ضغطچ صعد للـ bar يمي شتسوين
گومي إمشي عني بساع هسة وتطگين
البنية :
گرب وأبد لاتخاف مو مثلك آني
تصميمي كلش زين مثل القناني

الولد :
ما ينفع التصميم وي ضغط الگلوب
للشد حسبت حساب وصرت أمشي مگلوب
البنية :
وين الحساب أو وين الرسم البياني
گلبك ترف شفاف يطگ بثواني

الولد :
العشگ لو تدرين خلى الگلب هيچ
سهران أفكر بيچ حد صيحة الديچ
البنية :
هسة أرد اسألك عاد عن الدراسه
صح اللي يقرا هواي ينفجر راسه

الولد :
صح آنه أقرا هواي بس راسي بعده
ولو ردتي تتأكدين سألي المخدة


أتمنى أن تعجبكم

أخوكم
مصطفى البغدادي

مشكوووووور يا مصطفى فعلا تحشيشه اكثر من رائعه تسلم يمناك وننتضر منك المزيد

اشكرك اخوية حسان وان شاء الله اكون عند حسن ظنكم

أخوكم
مصطفى البغدادي

ظريف جدا ومضحك ولكن مشاعرهم الظاهر صادقه فلا باس المهم صادقه....الله يخليك ويحفظك مصطفى.........تحياتي

مبروك ميلادك اوكل عام وانته بالف خير ......انشاء الله تتحقق امانيك بكل شي وسنوات عمرك مليئه بالافراح .....مبروووووووووووووووووووووووووووووك..تحياتي

هههههههههههههه مشكور يالغلا الله يعطيك العافيه

ههههههههههههههههههههههههههههههه
مشكور وعاشت ايدك
تحياتي الك

مشكورين شباب على هذا المرور المفرح وأتمنى أكون عند حسن الظن وطبعاً آني جداً آسف على الإنقطاع والله مشاغل عندي هواي بس أوعدكم أن أكون حاضر دائماً

تحياتي للجميع